Meksıkada poıyz apatynan 13 adam qaza taýyp, 98 adam jaraqat aldy
ASTANA. KAZINFORM — Meksıkanyń Oahaka shtatyndaǵy Nısanda eldi mekeni mańynda jolaýshylar poıyzy relsten shyǵyp ketip, saldarynan 13 adam qaza taýyp, 98 adam jaraqat aldy.
Bul týraly el prezıdenti Klaýdııa Sheınbaým óziniń H-tegi paraqshasynda málimdedi.
— Áskerı-teńiz kúshteri mınıstrligi maǵan memleketaralyq poıyzdyń apaty saldarynan, ókinishke qaraı, 13 adamnyń qaza tapqanyn habarlady. 98 adam jaraqat aldy, olardyń beseýiniń jaǵdaıy aýyr, — dep jazdy Sheınbaým X áleýmettik jelisindegi paraqshasynda.
Onyń aıtýynsha, zardap shekkender Matıas-Romero men Salına-Krýs qalalaryndaǵy Áleýmettik saqtandyrý ınstıtýtynyń medıtsınalyq mekemelerine, sondaı-aq Hýchıtan jáne Ikstepek qalalarynyń aýrýhanalaryna jetkizilgen. Sonymen qatar Sheınbaým Áskerı-teńiz kúshteri mınıstri Raımýndo Pedro Morales Anhelestiń oqıǵa ornyna jiberilgenin atap ótti.
Poıyzda toǵyz ekıpaj múshesi jáne 241 jolaýshy bolǵan. Quram eki lokomotıvten jáne tórt jolaýshylar vagonynan turǵan.
Eske sala keteıik, buǵan deıin Qytaıda poıyz jumysshylardy qaǵyp ketip, 11 adam mert bolǵanyn jazdyq.
