Meksıkada pıtomnıkten 400 qoltyraýyn qashyp ketti
ASTANA. Qyrkúıektiń 21-i. QazAqparat - Meksıkanyń shyǵysyndaǵy Verakrýs shtatynda tótenshe oqıǵa oryn aldy.
Pıtomnıkten 400 qoltyraýyn qashyp ketti, dep habarlaıdy «Maıak» radıosy.
Nóser jaýynnyń saldarynan arnasynan tasyǵan ózen pıtomnıktiń qorshaýlaryn shaıyp ketip, qoltyraýyndardy aǵyzyp áketken. Mamandardyń paıymdaýynsha, qoltyraýyndardyń birazy Meksıka shyǵanaǵynan bir-aq shyǵýy yqtımal.
Jergilikti ókimet halyqty qoltyraýyndardy óltirmeýge jáne óz qoldarymen ustaýǵa tyryspaı, mamandardy shaqyrýǵa úndedi.
