Meksıkada pırotehnıka qoımasynda jarylys boldy
ASTANA. QazAqparat - Meksıka pırotehnıka qoımasy jarylys Meksıkada pırotehnıkalar saqtaıtyn qoımada jarylys boldy. Saldarynan tórt adam qaza tapty. Taǵy beseýi túrli deńgeıde jaraqat aldy, dep habarlaıdy QazAqparat Habar 24 telearnasy silteme jasap.
Jarylystan alty nysannyń kúli kókke ushty. Oqys oqıǵa aýmaǵyna tótenshe jaǵdaı qyzmetiniń mamandary jetken.
Aıta ketý kerek, sońǵy eki jylda mundaı jaǵdaı Meksıkada úshinshi ret qaıtalandy.
Mamyr aıynda Pýebla shtatyndaǵy qoımada jarylys bolyp, 14 adam qaza tapqan edi.
Al 2016 jyldyń jeltoqsanynda Mehıko shtatynda jarylystan keıin órt shyǵyp, pırotehnıka saýdalaıtyn eldegi eń iri bazar kúlge aınaldy. Ol kezde qaıǵyly oqıǵadan 42 adam mert boldy.
