Meksıkada nóser jaýyn saldarynan qaza tapqandar sany 41-ge jetti

ASTANA. KAZINFORM — Meksıkanyń 5 shtatynda tolassyz jaýǵan jańbyr men sý tasqynynan qaza tapqandar sany 41-ge jetti, dep habarlaıdy TASS.

— Memlekettik bılik ókilderi 41 adam qaıtys bolǵanyn habarlady. Verakrýsta — 15, Pýeblada — 9, Idalgoda — 16 jáne Keretaroda — 1 adam. Joǵalǵan 27 adamdy izdeý jalǵasyp, olardyń otbasylaryna qoldaý kórsetilip jatyr», — delingen Qoǵamdyq qaýipsizdik jáne azamattardy qorǵaý mınıstrliginiń habarlamasynda.

Departament 6-9 qazan aralyǵynda Meksıkanyń keıbir aımaqtarynda qatty jaýyn-shashyn jaýǵanyn aıtty. Verakrýsta — 540 mm, Pýeblada — 487 mm, San-Lýıs-Potosıde — 298 mm, Idalgoda — 245 mm, Keretaroda — 232 mm jańbyr jaýdy.

Meksıka prezıdenti Klaýdııa Sheınbaýmnyń buıryqtarynan keıin zardap shekken aýdandarda azamattyq qorǵanys josparlary jasalyp, armııa men flot bólimsheleri ornalastyryldy. Ýaqytsha baspanalar jáne jyljymaly sý tazartý qondyrǵylary ornatyldy.

Federaldyq elektr komıssııasynyń málimetinshe, zardap shekken 5 shtatta 320 myńnan astam turǵyn jaryqsyz qalǵan. Oǵan qosa, 1000 shaqyrymnan astam jol zaqymdandy. Qazir turǵyndardyń 75% elektr qýatymen qaıta qamtyldy. 

Aıta keteıik, buǵan deıin Mysyrda jol apatynan úsh katarlyq dıplomat qaza tapqany týraly jazdyq.