Meksıkada myńdaǵan adamnyń qatysýymen narazylyq sherýi ótti
ASTANA. QazAqparat - Myńdaǵan adam Mehıkoda jarty jyl buryn Gerrero shtatynda joǵalǵan 43 stýdentti eske alýǵa arnalǵan narazylyq sharasyna qatysty.
Aktsııaǵa qatysýshylar tergeýdiń stýdentterdi jemqor polıtseıler urlap, qylmyskerlerdiń qolyna berdi degen boljamdaryn joqqa shyǵardy.
Igýala qalasynda stýdentter ótken jyldyń qyrkúıek aıynyń sońynda bilim reformasyna narazylyq bildirgen soń joǵalǵan. Bıliktiń paıymynsha, stýdentter óltirilip, olardyń máıitterin kúıdirip, San-Hýan ózenine tastaǵan.
