Meksıkada munaıgaz kompanııasynyń qubyr jelisinde jarylys boldy
MEHIKO. QazAqparat – Meksıkanyń Pemex munaıgaz kompanııasyna qarasty qubyr jelisinde dúısenbi kúni bolǵan jarylys saldarynan kem degende bes adam zardap shekti, dep habarlaıdy QazAqparat.
Keleńsiz oqıǵa eldiń ońtústik shyǵysyndaǵy Verakrýs shtatynyń Posa-Rıka qalasyndaǵy aýdandardyń birinde bolǵan.
«La-Barıta aýdany aýmaǵynda, Pemex qubyr jelisinde bolǵan jarylys jaıly málimetter túsip jatyr», - delingen óńirlik azamattyq qorǵanys basqarmasynyń Twitter -de jarııalaǵan habarlamasynda. – Aldyn ala túsken aqparat boıynsha, bes adam jaraqattanǵan, olar aýrýhanaǵa jetkizilgen.
Keleńsiz jaǵdaıǵa ne sebep bolǵany belgisiz.
Pemex ókilderi apat saldaryn joıý jumystarymen shuǵyldanyp jatyr.
