Meksıkada merlikke kandıdat saılaý aldyndaǵy sherý kezinde atyp óltirildi

ASTANA.KAZINFORM  - Meksıkanyń Teksıstepek qalasynyń merligine úmitker Esenııa Lara Gýteres pen taǵy úsh adam tikeleı efırde kórsetilgen saılaýaldy mıtıng kezinde qaza tapty, dep habarlaıdy CNN.

CNN-niń habarlaýynsha, merlikke úmitker Esenııa Lara Gýteres Teksıtepek kóshelerin aralap, Facebook jelisi arqyly saılaýshylarmen baılanysqan. Sol kezde kenetten oq atylǵan. Kem degende jıyrma ret oq atylyp, shabýyl tórt adamnyń ómirin qıdy: Gýterestiń ózi jáne onyń qoldaýshylar tobynan úsh adam. Taǵy úsh adam jaraqat aldy.

Meksıka prezıdenti Klaýdıa Sheınbaým dúısenbi kúni tańerteńgilik baspasóz máslıhatynda shabýyldy rastap, onyń sebebi týraly ázirge aqparat joq ekenin aıtty. Ol onyń úkimeti Verakrýs shtatynyń sheneýnikterimen úılestiretinin jáne qajet bolǵan jaǵdaıda federaldy qoldaýdy, sonyń ishinde shtattyń bas prokýratýrasymen baılanysty usynatynyn aıtty.

- Biz óz áreketterimizdi, ásirese Qaýipsizdik mınıstrimen úılestire otyryp, osy saılaý kezeńinde Verakrýs pen Dýrango tarapynan barlyq qajetti qoldaýdy kórsetemiz, - dedi ol.

Teksıstepek — Verakrýs shtatyndaǵy shaǵyn qala, onda 1 maýsymda jergilikti saılaý ótedi dep josparlanǵan. Qalada 22 myń adam turady.

Saıası kandıdattarǵa shabýyl Meksıkadaǵy saılaý tsıkldary kezinde jıi kezdesedi.

Ótken jyly elde saıası jáne qylmystyq zorlyq-zombylyq qurbandarynyń rekordtyq sany tirkeldi. Data Cívica quqyq qorǵaý uıymy adamdar men ǵımarattarǵa 661 shabýyl jasalǵanyn habarlady. Jábirlenýshilerdiń kópshiligi mýnıtsıpaldy deńgeıdegi keńseni ıemdengender nemese saılaýǵa túskender.

Aıta keteıik, Meksıka Google korporatsııasyn sotqa berdi.