Meksıkada maııa taıpasyna jatatyn 167 adamnyń qańqalary tabyldy
ASTANA. 14 naýryz. QazAqparat - BBC-diń habarlaýynsha, meksıkalyq arheologtar Chıapas shtatyndaǵy ejelgi qorymdardyń birinde tabylǵan 167 adamnyń qaldyǵy ejelgi maııa mádenıetiniń ókilderine tıesili ekendigin málimdegen.
Alǵashynda olar qaldyqtar osydan 50 jyldaı buryn jerlengen dep topshylaǵan. Osyny estı sala úkimet bulardyń sol kezderde órship turǵan esirtki soǵysynyń qurbandary ekenin tuspaldap, dereý qylmystyq is qozǵamaq bolǵan.
Biraq qaldyqtardy tolyq zerttegen ǵalymdar olardyń shamamen 1200 jyl buryn jerlengenin kesip aıtty. Sondaı-aq, olar bassúıekterden bul jerdi osydan myń jyldan astam ýaqyt buryn meken etken maııa mádenıetiniń ókilderine tán erekshelikterdi tapqanyn alǵa tartýda. Ǵalymdardyń aıtýynsha, ıspandyqtar kelmeı turǵanda Meksıka terrıtorııasyn mekendegen ejelgi taıpalardyń tarıhyn zerttteýde tabylǵan qańqalar ólsheýsiz úles qosýy bek múmkin.
