Meksıkada marıhýananyń sońǵy on jyldaǵy eń úlken partııasy tárkilendi
ASTANA. Qazannyń 19-y. QazAqparat - Meksıkanyń esirtki polıtseıleri AQSh-pen shekaradaǵy Tıhýana qalasynda marıhýananyń sońǵy on jyldaǵy eń úlken partııasyn tárkiledi. Jalpy salmaǵy 105 tonnaǵa tartyp otyrǵan esirtkini sarapshylar 344 mıllıon dollarǵa baǵalap otyr,
dep habarlaıdy Utro.ru saıty.
Operatsııa dúısenbi, qazannyń 18-inde júzege asyryldy. Meksıkanyń qaýipsizdik kúshteri marıhýana tasymaldap bara jatqan birneshe kólikti tekserý úshin toqtatty. Esirtki saýdagerleri qarsylyq kórsetip, oqıǵa saldarynan bir úkimettik agent pen esirtki saýdagerleriniń biri oq jaraqatyn aldy.
Tártip saqshylary esirtkige qosa sondaı-aq birneshe júk kóligin jáne iri kalıbrli eki tapansha tárkiledi. Esirtki saýdasymen aınalysady degen kúdikti 11 adam qamaýǵa alyndy.
Soltústik Meksıka Ońtústik Amerıkadan AQSh-qa esirtki jetkiziletin úlken aralyq baza bolyp tabylady. Sarapshylardyń aıtýynsha, ońtústik shekara arqyly AQSh-qa jetkiziletin esirtkiniń aınalymy birneshe ondaǵan mıllıard dollarǵa baǵalanady.
