Meksıkada qylmyskerler ondaǵan mashınany órtep, joldy jaýyp tastady
ASTANA. QazAqparat - Meksıkadaǵy Gýanahýato shtatynda bılik oryndarynyń janar-jaǵarmaı urlyǵyna qarsy operatsııasy dúısenbi kúni qatty qarsylyqqa ushyrady.
Qylmyskerler áskerıler men polıtsııa jasaqtarynyń qozǵalysyna kedergi keltirý úshin birneshe avtomobıldi órtep, joldy bógegen, dep habarlady El Universal gazeti óziniń saıtynda.
Osyndaı áreket arqyly aram oılylar kúsh qurylymdaryn qylmyskerler emin-erkin júretin Santa-Rosa-de-Lıma aýdanyna barǵyzbaýǵa tyrysty.
Bul aýmaqta memlekettik Pemex munaıgaz kompanııasynyń qubyrynan janar-jaǵarmaı urlaý qylmyskerlerdiń basty tabys kózine aınalǵan.
Aıta keter bolsaq, 2018 jyly Meksıkada Pemex qubyrlarynan 12,5 myń jasyryn tesik tabylǵan. Bul 2017 jyldyń sáıkes kezeńine qaraǵanda 45 paıyz kóp.
Bılik oryndarynyń derekterinshe, 2018 jyldyń jeltoqsanyndaǵy málimetter boıynsha Pemex kompanııasyna urlanǵan munaı men janar-jaǵarmaıdan kelgen shyǵyn jylyna 60 mlrd pesodan ($3 mlrd-tan astam) asqan.
