Meksıkada qus tumaýynyń saldarynan jarty mıllıonǵa jýyq taýyqtyń kózi joıylady
ASTANA. 16 aqpan. QazAqparat - Meksıka bıligi qus tumaýynyń jańa indeti týraly málimdedi.
Bı-Bı-Sı habarlaǵandaı, Gýanahýato ortalyq shtatynda 500 myńǵa jýyq taýyqtyń kózi joıylmaq. Mamandar indettiń kórshi shtattarǵa tarap ketýin tekserýde. Densaýlyq saqtaý vedomstvolarynyń sheneýnikteri bul joly úı qusy H5N1-di emes, H7N3 vırýsyn juqtyrǵandyǵyn málimdeýde.
Ótken jyly qus tumaýynyń órshýi Gýanahýato shtatymen kórshiles jatqan Halıskoda tirkelgen bolatyn. Ol kezde 22 mln. taýyq joıyldy.
