Meksıkada qupııa krematorııden adam súıekteri tabyldy
Meksıkanyń batysynda qylmystyq toptar óz qurbandarynyń máıitterin kómip kelgen jasyryn krematorıı tabyldy. Kazinform bul týraly Euronews-ke silteme jasap habarlaıdy.
Eldiń batysyndaǵy Halısko shtatynda jasyryn krematorııden adam súıekteri tabyldy. Bul oryndy «Madres Buscadoras de Jalisco» iz-túzsiz joǵalǵandardyń analary izdeý toby anyqtady.
Prokýratýra tergeý amaldaryn bastady.
Joǵalǵandardy izdep júrgen toptardyń sendirýinshe, esirtki kartelderi men basqa da qylmystyq toptar óz qurbandaryn peshte órtep, iz jasyrǵan.
Ulttyq izdeý komıssııasynyń málimetinshe, iz-túzsiz joǵalǵandardyń deni Halısko shtatynan: 120 myńnan astam adamnyń 15 myńy. Adam joǵalý oqıǵalarynyń deni 2006 jyly bastaldy. Ol kezde úkimet esirtkige qarsy kúres jarııalap, zorlyq-zombylyq kúrt artyp ketti.
