Meksıkada kóne qorymdar, adamdardyń qańqasy men 1 myńnan astam jádiger tabyldy
Meksıkanyń ortalyǵyndaǵy San-Andres-Cholýla qalasynda júrgizilgen arheologııalyq qazba jumystary barysynda 11 qupııa jerleý, 14 adamnyń qańqasy jáne 1000-nan astam kóne jádiger tabyldy.
Bul týraly Meksıkanyń Ulttyq antropologııa jáne tarıh ınstıtýtynyń (INAH) málimdemesinde aıtylǵan, dep habarlaıdy QazAqparat Anadolu aqparat agenttigine silteme jasap.
Habarlamaǵa sáıkes, tabylǵan zattar keıingi postklassıkalyq kezeńge jatady.
Tabylǵan adam súıekteri men keramıkalyq buıymdar kómilgennen beri olarǵa eshkimniń qoly tımegen.
Arheolog Serhıo Sýarestiń aıtýynsha, tabylǵan jádigerler – baǵa jetpes jáne tarıhı qazyna.
Arheologtar súıekteri tabylǵan adamdardyń kezinde qandaı ómir súrgenin anyqtaý úshin taldaýlar júrgizdi. Bul týraly fızıkalyq antropologııa mamany Martın Ernandes habarlady.
