Meksıkada «Kolıma» janartaýy oıandy
ASTANA. QazAqparat - Meksıkanyń Halısko shtatyndaǵy «Kolıma» janartaýynan atqylaǵan kúl turǵyndarǵa qaýip tóndirip tur, dep jazady 24.kz.
Qutqarýshylar mańaıdaǵy eldi mekenderden 300-den asa adamdy qaýipsiz jerge kóshirdi. Tabıǵat apatynan aımaqtaǵy áýejaıda birneshe reıs keıinge shegerildi. Mamandar turǵyndarǵa janartaýdan kemi 12 shaqyrym qashyqtyqta ornalasý kerek dep keńes beredi.
Aıta keteıik, «Kolıma» janartaýy - Meksıkadaǵy eń belsendi janartaý. Ol osy beısenbi kúni kókke ot pen kúl atqylaı bastaǵan. Ázirge zardap shekkender jaıly aqparat túsken joq.
