Meksıkada qarýly top qymbat meıramhana meımandaryn urlap ketti
ASTANA. QazAqparat - Meksıkanyń Pýerto-Valıarta qalasynda bir top qarýly adam qymbat meıramhananyń meımandaryn urlap ketti, dep habarlady VVS agenttigi.
Oqıǵa qalanyń týrıstik aýdanynda kúndizgi 1 shamasynda bolǵan.
Kýágerlerdiń aıtýynsha, qarýlanǵan er adamdar eki jol talǵamaıtyn kólikpen kelip, meıramhanadaǵy adamdarǵa kólikke otyrýdy buıyrǵan.
Sodan keıin barlyǵyn alyp ketken. Pıǵyldaryn júzege asyrý kezinde olar birde bir oq atpaǵan. Halısko shtaty polıtsııasy oqıǵaǵa qatysty tergeý amaldaryn bastady. Urlanǵan adam sany naqty emes, keıbir derekkózderi 16 adam ekenin aıtady.
Qazir polıtsııa qylmyskerlerden qashyp úlgergen 4 áıeldi izdeýge kirisken.
