Meksıkada qarýly shabýyl saldarynan 11 adam qaza tapty
MEHIKO. QazAqparat – Meksıkanyń Halısko shtatynda bolǵan qarýly shabýyl saldarynan 11 adam qaza taýyp, taǵy ekeýi jaraqat aldy. Bul týraly QazAqparat Publimetro basylymyna silteme jasap habarlaıdy.
Keleńsiz jaǵdaı Tonala mýnıtsıpalıtetiniń astanalyq Gvadalahara aýdanynda oryn alǵan. Prokýratýranyń málimetinshe, bir top er adam úıdiń janynda syra iship turǵanda, sol jerge júk kóligin mingen belgisiz bireýler kelip, oq jaýdyra bastaǵan. Qaza bolǵandardyń arasynda bir jasóspirimniń bar ekeni atap ótiledi. Taǵy eki adam – bir áıel men bala oq jaraqatyn alǵan, olarǵa medıtsınalyq kómek kórsetildi.
Oqıǵa bolǵan aýdanda kúsh qurylymdarynyń tikushaqtardyń qatysýymen arnaıy is-sharalary júrgizilýde. Prokýratýra tergeý isin bastady.
