Meksıkada qala merin atyp ketti
ASTANA. QazAqparat - Meksıkada qarýlanǵan qylmyskerler Tanhýato qalasynyń meri Gýstavo Garıbaıdy atyp ketti.
Mıchoakan shtatynyń bıligi senbi kúni qylmystyń qalaı bolǵanyn habarlady. Resmı málimetter boıynsha, merge ol úıinen shyǵyp bara jatqan kezde qastandyq jasalǵan. Qylmys oryn alǵan jerden eki túrli kalıbrli gılza tabyldy. Quqyq qorǵaý organdary bolǵan jaǵdaıǵa baılanysty tergeýge kiristi.
2012 jyldyń qazanynda Garıbaıǵa qastandyq jasalǵan bolatyn. Sol oqıǵadan keıin memleket basshysy Felıpe Kalderon oǵan oqqaǵar bólýdi tapsyrǵan edi.
Mıchoakan shtaty Meksıkadaǵy eń qylmysty aımaqtarynyń biri, dep habarlaıdy ITAR-TASS.
