Meksıkada gaz qubyrynda jarylys boldy, eki myńnan astam turǵyn qaýipsiz jerge kóshirildi
ASTANA. QazAqparat - Meksıkada Pemex kompanııasynyń gaz qubyrynda jarylys boldy, dep habarlady Excelsior gazeti. Tilsiz jaý gaz qubyrynyń shamamen 500 metrin sharpyǵan.
Oqıǵadan keıin eki saǵat ishinde jaqyn ornalasqan jerdegi eldi mekenderden 2000-nan astam turǵyn qaýipsiz jerge shyǵaryldy. Otty aýyzdyqtaý kezinde úsh órt sóndirýshi japa shekti.
Pemex kompanııasynyń sarapshylary men Meksıka prokýratýrasynyń qyzmetkerleri bolǵan jaǵdaıdyń mán-jaıyn anyqtap jatyr.
