Meksıkada esirtki satýshylar toby 15 polıtseıdi atyp ketti
ASTANA. QazAqparat - Meksıkanyń batysynda esirtki satýshylar 15 polıtsııa qyzmetkerin atyp tastady, dep habarlady VVS.
Bul - bir aıda polıtseılerge qarsy jasalǵan ekinshi qandy shabýyl. Halısko shtaty ІІB habarlaýynsha, polıtseıler Pýerto-Valıarta qalasy mańyndaǵy kýrortty aımaǵynda óltirilgen. Taǵy 5 polıtseı qarýly shabýyl kezinde jaralanyp, aýrýhanaǵa jetkizildi. Boljam boıynsha, polıtseılerge Halısko shtatyndaǵy esirtki aınalymyn óz baqylaýynda ustaıtyn «Halısko - jańa urpaq» karteli shabýyl jasaǵan.
