Meksıkada esirtki baronynyń qashqany úshin túrmeniń 49 qyzmetkeri ustaldy
ASTANA. QazAqparat - Meksıka bıligi esirtki karteliniń serkesi Hoakın Gýsman, laqap aty El Chapo (Qortyq) qashqan túrmeniń 49 qyzmetkerin ustady.
Bul týraly El Nuevo Herald basylymy EFE agenttigine silteme jasap habarlady.
Ustalǵandardyń ishinde túrme dırektory Valentın Kardenas Lerma, kúzetshiler men ákimshilik qyzmetkerler bar. Olar El Chaponyń qashýyna kómektesti degen kúdik bar.
12 maýsymda 18 adam ustalsa, 13-inde olardyń sany 31-ge artty, qazir 49-ǵa jetti. Saıasatkerler El Chaponyń qashýy úshin para berip qana qoımaı, otbasy múshelerine qaýip tóndirý arqyly qyzmetshilerdi qorqytý múmkindigin de aıtty.
El Chapo qatań tártiptegi Altıplano túrmesinen 12 shildede on metrlik tereńdikte qazylǵan, uzyndyǵy 1,5 shaqyrymǵa sozylǵan týnnel arqyly qashqan.
Bul mıllıarder Hoakın Gýsmannyń qatań tártiptegi túrmeden ekinshi ret qashýy. Alǵashqysy 2001 jyldyń qańtar aıynda bolǵan.
