Meksıkada Erl daýylynan 40-tan astam adam qaza tapty
ASTANA. QazAqparat - Meksıkada tropıkalyq Erl daýyly qurbandarynyń sany 45-ke jetti, dep habarlaıdy Bı-Bı-Sı agenttigi.
Eldiń shyǵysyna oıysqan daýyl laı kóshkini men sý tasqynyn týdyrdy.
Tabıǵı apattan zardap shekken Verakrýs, Pýebl shtattarynda turǵyn úıler laı astynda qaldy, onda adamdar da bolýy múmkin. Habar-osharsyz ketkenderdiń naqty sany ázirge belgisiz.
Atap aıtqanda, Pýeblde 32 adam kóz jumdy, onyń 15-i bala, dep habarlady Frans press, qazir kóp aýyldarda baılanysy úzilgen.
Aman qalǵandardy tabý úmiti azaıyp, qurbandar sany artýda. Dúısenbide 38 adamnyń qaza tapqany jaıly habarlanǵan bolatyn.
Daýyl Belızde bastaldy. Daýyl ol kezde birinshi sanatty daýyl retinde tirkeldi. Ol Meksıkaǵa jetken kezde birshama saıabyrsydy, soǵan qaramastan jel ekpini kúsheıip, sońy nóserge ulasty.
