Meksıkada eki aptanyń ishinde 3 qala meri óltirildi
ASTANA. QazAqparat - Meksıkanyń Pýebla shtatynda Hýehýetlan el Grande qalasynyń meri Hose Santos Marııa Zavalany atyp ketti. Bul osymen elde sońǵy eki aptanyń ishinde óltirilgen úshinshi mer, dep habarlaıdy Bı-bı-sı.
Ol óziniń avtomobılinde óli tabylǵan. Sol kólikte birge kele jatqan qala basshysynyń hatshysy polıtseıler oqıǵa ornyna kelgen kezde bolmaǵan. Onyń qaıda ekendigi belgisiz bolyp otyr. Ázirge ne maqsatpen shabýyl jasalǵany aıtylmaýda.
Aıta ketsek, shildede meksıkalyq qalalardyń eki meri qylmyskerler qolynan qaza tapqan edi.
Meksıka merleri qaýymdastyǵynyń derekterine qaraǵanda,2003 jyldan beri 40 qala basshysy óltirilgen. Olardyń jeteýi jańadan saılanǵan, 32-si - burynǵy merler.
