Meksıkada dúkende bolǵan órtten 22 adam kóz jumdy

ASTANA. KAZINFORM – Meksıkanyń soltústik batysynda ornalasqan Ermosılo qalasyndaǵy dúkende bolǵan órtten 22 adam qaza boldy, olardyń ishinde 4 bala bar, dep habarlaıdy reseılik TASS El Universal basylymyna silteme jasap.

Atalǵan aqparatta 12 adamnyń túrli dárejede jaraqat alyp, aýrýhanaǵa jetkizilgeni habarlanǵan. Sondaı-aq habarda órttiń jaralystan keıin shyqqany aıtylǵan.

Basylym órtke qarsy qyzmetke silteme jasap, órttiń saýda nysanynyń kiriberisinen týyndaǵanyn jáne dúkenge kelgen kóptegen adamnyń dúken ishinde qalyp qoıǵany aıtylady. Órt sóndirildi, jáne onyń ózge ǵımarattardy sharpýynyń aldy alyndy.

Sonor shtatynyń bıligi oqıǵanyń mán-jaıyn anyqtap jatyr. Aldyn ala boljamdardyń biri tehnıkalyq aqaý bolyp otyr. Ǵımaratta tez tutanatyn zattar da bolýy yqtımal.

Osyǵan deıin Mysyrdaǵy Nil ózeninde 200 týrıst mingen keme órtengeni týraly jadyq.