Meksıkada tsırkten qashqan jolbarystar ustaldy
ASTANA. Jeltoqsannyń 28-i. QazAqparat - Meksıkandyq quqyq qorǵaý organdarynyń qyzmetkerleri Mıchoakan shtatynda Aguilar Hermanos kóshpeli tsırkinen qashyp ketken barlyq úsh jolbarysty da ustady,
dep habarlaıdy QazAqparat Associated Press saıtyna silteme jasap.
Jolbarystar jyrtqyshtardy tasymaldaýshy júk máshınesiniń qatysýymen bolǵan jol-kólik oqıǵasy kezinde tordan sytylyp shyǵyp, qashyp ketken. Eki jolbarys oqıǵa ornynda ustaldy, alaıda úshinshi jyrtqyshtyń shtat astanasy Morelııa qalasynan 30 shaqyrym qashyqtyqtaǵy taýly jerge jasyrynýyna sáti túsken.
Baıǵus qashqyndy izdeýge polıtseıler de qosyldy jáne arada birshama ýaqyt ótkennen keıin sońǵy jolbarys ta tabyldy. Jyrtqyshty tuzaqqa túsirýde polıtseılerge tsırk qyzmetkerleri kómektesti.
Mundaı oqıǵalar Meksıkada buǵan deıin de bolǵan. Mysaly, buryn osy latynamerıkandyq elde ıelerinen pilder, qodastar, túıeler, sondaı-aq bir arystan qashyp ketken bolatyn.
