Meksıkada bolǵan jer silkinisi qurbandarynyń sany 58-ge jetti
Osyǵan deıin qaza bolǵan 32 adam týraly habarlanǵan bolatyn. Zilzala ásirese eldiń ońtústik bóligine qatty nuqsan keltirdi. Oahaka shtatyndaǵy Hýchıtan qalasynda ratýsha, qonaqúı men ózge de ǵımarattar qırady. Matıas-Romero qalasyndaǵy jańa qonaqúıdiń ǵımaraty jer silkinisiniń saldarynan ekige bólinip ketti.
8,0 magnıtýdalyq jer silkinisi 8 qyrkúıek, juma kúni tań ata Meksıkanyń Tynyq muhıty jaǵalaýlarynda tirkelgen bolatyn.
Onyń epıtsentri eldiń ońtústik shyǵysyndaǵy Pıhıhıapan qalasynan 96 km qashyqtyqta ornalasqan. Zilzaladan kelgen naqty shyǵyn kólemin anyqtaý birshama ýaqytty qajet etpek. Alaıda bul jer silkinisiniń sońǵy 100 jyldaǵy eń qýattysy ekendini anyq.
Sarapshylar Meksıka jaǵalaýlarymen qatar osy elge jaqyn ornalasqan Gondýras, Nıkaragýa, Gvatemala, Salvador, Kosta-Rıka, Panama men Ekvador sııaqty elderde tsýnamı bolady degen boljam jasaǵan bolatyn. Tolqyndardyń bıiktigi jer silkinisinen soń 1 metrge jetti.
