Meksıkada birneshe týrısti taý ózeni aǵyzyp áketti
NUR-SULTAN. QazAqparat – Meksıkanyń shyǵysynda 21 adamnan turatyn týrıster tobyn taý ózeniniń aǵysy alyp ketti, dep habarlaıdy QazAqparat Milenio gazetine silteme jasap.
Oqıǵa Verakrýs shtatyndaǵy Kosta-de-Oro aımaǵynda oryn alǵan. Tórt adam qaza taýyp, úsheýi habar-osharsyz ketti.
Bes týrıst medıtsınalyq kómekke júgindi, olardyń ómirine qaýip joq. Toptyń barlyq múshesi Meksıka azamattary bolǵan.
Aldyn ala málimetter boıynsha, bul aımaqqa nóser jańbyr jaýyp, ózendegi sý deńgeıi kúrt kóterilgen. Sonyń saldarynan qaıǵyly jaǵdaı oryn alǵan. Habar-osharsyz ketkenderdi izdeýge birneshe qutqarýshylar brıgadasy tartyldy.
Óńirlik prokýratýra adam ólimine qatysty tergeýdi bastady.
