Meksıkada bir jerge kómilgen 28 adamnyń máıiti tabyldy
ASTANA. QazAqparat - 28 adamnyń máıiti Meksıkanyń Igýala qalasynyń mańyndaǵy qupııa kómý jerlerinen tabyldy. Jappaı kómilgenderdi polıtseıler joǵalǵan stýdentterdi izdeý sharasy kezinde tapty.
Óltirilgenderdiń kim ekenin anyqtaý úshin aıtarlyqtaı ýaqyt - 15 kúnnen eki aıǵa deıingi ýaqyt kerek. Keıbir máıitter bólshektengen, dep habarlady RIA Novostı.
Meksıka bıligi qaza bolǵandardyń arasynda Igýaldaǵy stýdentterdiń polıtsııamen jáne belgisiz qarýlanǵan adamdarmen qaqtyǵysynan joǵalǵandar bolýy múmkindigi jaıly esh aqparat bermedi. Sol kezde alty adam qaza bolyp, 25-i jaraqattanǵan bolatyn.
Osyndaı jappaı kómýler Meksıkadan jıi tabylady - kóbine-kóp máıitter esirtki saýdalaýshylar arasynda qaqtyǵystar barysynda qaza bolǵandarǵa tıesili. Atalǵan qupııa jerleý oryndaryn qylmystyq toptardyń músheleri jasaǵan bolýlary kerek.
