Meksıkada belgisiz top túrme baqylaýshylary mingen avtobýsqa oq jaýdyrǵan, 4 adam qaza tapty
NUR-SULTAN. QazAqparat - Meksıkada belgisiz bireýler juma kúni federaldyq túrme baqylaýshylary mingen avtobýsqa oq jaýdyrdy. Morelos shtatyndaǵy Pýente-de-Istla aýdanynda bolǵan bul shabýyl saldarynan tórt adam qaza taýyp, kem degende ekeýi jaralandy, dep habarlaıdy Quadratin jańalyqtar agenttigi.
Bıliktegiler bul keleńsiz jaǵdaıdy tekserýge kiristi. Ázirge oq jaýdyrǵandardy oqıǵanyń izin sýytpaı ustaýdyń sáti túspeı otyr. Belgili bolǵany, qylmyskerler toby Gerrero shtatynyń nómiri taǵylǵan jeńil avtomobılmen jyljyǵan. Al shabýyl jasalǵannan soń kólikti tastap, órtep jibergen.
Meksıkada sońǵy kezde qylmys órship tur. Tek ótken jyly 33,3 myń adamdy óltirip ketken.
