Meksıkada belgisiz bireýler barda otyrǵan birneshe adamdy atyp ketti
NUR-SULTAN. QazAqparat – Jeksenbi kúni keshkisin Meksıkanyń Tabasko shtatynyń ortalyǵy Vılerosanyń mańyndaǵy barǵa bir top qylmysker shabýyl jasady. Saldarynan kem degende bes adam kóz jumyp, alty adam jaraqat aldy, dep habarlaıdy QazAqparat Milenio gazetine silteme jasap.
Basylymnyń málimetinshe, qarýly top ǵımaratqa kirip kelip, sonda otyrǵandarǵa oq jaýdyrǵan. Artynsha izderin sýytqan. Bılik ókilderi oqıǵanyń mán-jaıyn anyqtaýǵa kiristi. Shabýylǵa jaýapty qylmystyq top ázirge belgisiz.
Eske sala ketsek, tamyz aıynyń sońynda Verakrýs shtatynyń Koatsakoalkos qalasynda «Aq at» baryna shabýyl jasalyp, 30 adam ajal qushqan edi.
