Meksıkada balalar fýtbol komandasynyń avtobýsy poıyzben soqtyǵysty
ASTANA. QazAqparat - Meksıkanyń Halısko shtatynda júk poıyzy men avtobýstyń soqtyǵysýy saldarynan bolǵan oqıǵadan keminde 2 adam mert bolyp, 15 adam jaraqat aldy. Bul týraly TASS agenttigi jazdy.
Avtobýsta fýtboldan balalar komandasynyń músheleri otyrǵan. Olardy bapkerleri fýtboldan ótetin jarysqa alyp bara jatqan.
«Avtobýsta shamamen 60 adam boldy. Olardyń 40-y 3 balalar fýtbol komandasynyń músheleri»,-dedi óńirdiń qutqarý qyzmetiniń ókilderiniń biri Haıme Alberto Moreno Kacho.
Onyń sózinshe, birneshe adam aýyr jaraqat alǵan jáne olardyń jaǵdaılary da aýyr. Eki eresek azamat qaıtys boldy, balalardyń arasynda qaıtys bolǵan týraly eshteńe aıtylmaıdy.
Zardap shekkenderdiń barlyǵyna medıtsınalyq kómek kórsetilýde.
