Meksıkada avtobýs júk kóligimen soqtyǵysyp, 20 adam qaza tapty
NUR-SULTAN. QazAqparat - Sársenbi kúni Meksıkanyń ońtústik-shyǵysyndaǵy Verakrýs shtaty aýmaǵynda avtobýs júk kóligimen soqtyǵysqan .Saldarynan 20 adam qaza taýyp, 18-i jaraqattandy. Bul týraly Proceso gazeti óziniń saıtynda habarlady.
Apat Pýebla-Orısaba kúre jolynda bolǵan. Aldyn ala boljamdarǵa qaraǵanda, taý arqyly ótetin joldyń bir burylysynda júk kóliginiń tejegishi isten shyǵyp, ol avtobýsqa soqtyǵysqan. Eki mashına da órtengen, al avtobýs túgeldeı janyp ketken.
Jolaýshylar avtobýsynda ońtústik Chıapas shtatynan shyqqan táý etýshiler bolǵan.
Apat ornynda dárigerler men qutqarýshylar brıgadasy jumys isteýde. Joldaǵy qozǵalys ýaqytsha toqtatyldy.
