Meksıkada avtobýs pen júk kóligi soqtyǵysyp, 16 adam qaza tapty
MEHIKO. QazAqparat –Meksıkanyń soltústigindegi Sonora shtatynyń Sonoıta – San-Lýıs-Kolorado kúre jolynda avtobýs pen júk kóligi soqtyǵysqan. Beısenbi kúni bolǵan apat saldarynan 16 adam qaza taýyp, 22 adam jaraqat aldy, dep habarlaıdy QazAqparat.
«Qazirgi kezde jaraqat alǵan 22 adam týraly habarlama kelip túsken, solardyń ishinde altaýy aýyr halde jatyr. 16 adam qaza tapqan. Qutqarý operatsııasy jalǵasyp jatyr», - dep habarlady aımaq prokýratýrasy Twitter-de.
Kólik apatynyń sebepteri belgisiz.
Prokýratýra qyzmetkerleri qaıǵyly oqıǵanyń mán-jaılaryn tergep-tekserýge kiristi.
