Meksıkada avtobýs quzdan qulap, 18 adam qaza boldy
MEHIKO. SINЬHÝA-QazAqparat - 30 sáýirge qaraǵan túni Meksıkanyń batysyndaǵy Naıarıt shtatynda jolaýshylar avtobýsy jardan qulap 18 adam mert boldy, taǵy 33 adam jaraqat aldy. Bul týraly jeksenbi kúni joldanǵan shtat kommıýnıkesinde aıtylǵan, dep habarlaıdy QazAqparat «Sınhýa» agenttigine silteme jasap.
Avtobýs Naıarıt shtatyndaǵy Kompostela qalasy baǵytyndaǵy avtojolda apatqa ushyraǵan. Jolda júrgizýshi kólikti basqara almaı qalyp, avtobýs 15 metr quzdan tómen qulaǵan.
Qalaaralyq kólik Tlahomýlko qalasynan (Halısko shtaty) shyqqan. Ol Naıarı shtatyndaǵy Gýaıavıtos qalasyna barýy tıis bolǵan.
Halısko shtatynyń gýbernatory Enrıke Alfaro áleýmettik jelide qaza bolǵandardyń kóbi Halısko shtatynyń turǵyndary ekenin málimdedi. Ol, sondaı-aq, marqumdardyń otbasylary men jaqyndaryna kóńil aıtty.
