Meksıkada avtobýs apatqa ushyrap, 33 adam qaza boldy
ASTANA. QazAqparat - Meksıkanyń shyǵysyndaǵy Verakrýs shtatynda úlken jol apaty oryn aldy. Saldarynan kem degende 33 adam qaza boldy, dep habarlaıdy ITAR-TASS.
Jolaýshylarǵa toly avtobýs magıstraldy joldyń boıynda turǵan júk kóligine soqtyǵysty. Úlken jyldamdyqpen júrýge arnalǵan jolda júk kóligi eshqandaı shuǵyl toqtaý týraly belgisin qoımastan aıaldaǵan. Jol apatynan zardap shekkender aýrýhanaǵa jetkizildi. Olardy keıbireýleriniń hali múshkil. Oqıǵanyń mán-jaıyn polıtsııa ókilderi tergeýde.
