Meksıkada avtobýs ańǵarǵa qulap, 18 adam qaza tapty
MEHIKO. QazAqparat – Meksıkanyń batysynda beısenbi kúni tańerteń avtobýs jardan ańǵarǵa qulap, 18 adam qaza tapty, dep habarlaıdy QazAqparat Reuters agenttigine silteme jasap.
42 jolaýshy bolǵan avtobýs Meksıkanyń soltústik-batysynda Tıhýana qalasyna baǵyt alǵan. Jolaýshylar arasynda Úndistan, Domınıkan Respýblıkasy men Afrıka elderiniń azamattary bolǵan.
Avtobýs júrgizýshisi ustaldy. Oǵan joldaǵy burylys kezinde jyldamdyqty asyrdy degen aıyp taǵyldy.
Qaza tapqandardyń jeke basy anyqtalyp jatyr. 20 adam aýrýhanaǵa jetkizildi.
Resmı tulǵalardyń aıtýynsha, jol apaty Tepık shtaty astanasynan tys jerde tasjolda bolǵan.
Ańǵardyń tereńdigi 40 metr bolǵandyqtan qutqarý operatsııasy qıyn bolǵan.
Meksıkanyń Oahaka shtatynda shildede avtobýs jol apatyna ushyrap, 29 adam qaza tapqan, aqpanda 17 adam avtobýs apatynan mert bolǵan.
