Meksıkada Astananyń 20 jyldyǵy atalyp ótti

ASTANA. QazAqparat - Meksıkadaǵy Qazaqstannyń elshiliginde Astana qalasynyń 20 jyldyq mereıtoıyna oraılastyrylǵan resmı qabyldaý ótkizildi, dep habarlaıdy QR SІM baspasóz qyzmeti.

Іs-sharaǵa Meksıkanyń memlekettik organdary, bıznes toptary, mádenıet qaıratkerleriniń, saıası ısteblıshmenti jáne qazaq dıasporasynyń 200-den astam ókili qatysty.

Qazaqstannyń  Elshisi Andrıan Elemesov alǵy sózinde qatysýshylardy jas Astananyń qalyptasýynyń eleýli kezeńderimen, jahandyq saıasattaǵy óskeleń rólimen, kópshilikpen tanylǵan halyqaralyq kún tártibiniń saıası jáne ekonomıkalyq máseleler boıynsha kelissózder alańynyń jetistikterimen tanystyryp shyqty.

Sonymen qatar, qonaqtar Qazaqstannyń jetistikteri men damý perspektıvalary, jaǵymdy ınvestıtsııalyq saıasaty, strategııalyq baǵdarlamalary men halyqaralyq bastamalarynyń negizgi baǵyttarymen tanystyryldy.

Syrtqy ister mınıstrligi departamentiniń Bas dırektory Horhe Alvares Fýentes Meksıkanyń Syrtqy saıası vedomstvo basshysynyń atynan quttyqtaý hatty oqyp, Qazaqstannyń aımaqtyq lıderi retindegi óskeleń potentsıalyn, halyqaralyq sahnadaǵy medıator rólin jáne tabysty ekonomıkalyq ózgeristerin erekshe atap ótti.

Sonymen qatar, qonaqtardyń nazaryna Astana týraly arnaıy fılm jáne qazaq ulttyq taǵamdary usynyldy.