Meksıkada AQSh vızalaryn ákele jatqan júk kóligi urlandy
ASTANA. QazAqparat - Meksıkada urylar osy eldiń azamataryna birneshe júzdegen vıza ákele jatqan júk kóligin urlap ketti, dep habarlady seısenbide Monterreı qalasyndaǵy amerıkalyq bas konsýldyq.
Dıplomatııalyq ókildiktiń aqparatyna súıensek, júk kóligin Qurama Shtattan Monterreı men Gvadalaharaǵa bara jatqan jolda, Matamoros qalasynda urlap ketken.
Saldarynan júzdegen meksıkalyqtar vızasyz qaldy. Bas konsýldyq alaıaqtar olardyń derbes málimetterin paıdalanýy múmkin ekendigin eskertti.
Monterreıdegi bas konsýldyq Meksıkanyń bes shtatyna - Sakatekas, San-Lýıs-Potosı, Tamaýlıpas, Koaýılý jáne Nýevo-Leonǵa qyzmet etedi.
Meksıka polıtsııalarynyń derekterine súıensek, keıbir esirtki tasymaldaýshylar zańsyz vızalardy ıelenýge múddeli, olar ony Ortalyq Amerıka elderinen AQSh-qa zańsyz mıgranttardy ótkizý úshin paıdalanýy múmkin, dep habarlaıdy RIA Novostı.
