Meksıkada atstek taıpasy kósemderiniń qupııa qabirine aparatyn jol tabyldy
ASTANA. QazAqparat - Meksıkalyq arheologtar atstek taıpalarynyń qupııasyn sheshýge jaqyn qalǵanyn málimdedi. Olar qupııa jerlengen taıpanyń eki kóseminiń qabirine aparatyn joldy uzaq jyldardan keıin tapty, dep habarlady lifenews.ru.
1325-1521 jyldary Atstekter óz kósemderin krematsııalaǵany belgili, alaıda olardyń qaıda jerlengeni belgisiz kúıinde qalǵan. L.Lýhannyń basshylyǵymen arheologtar komandasy olar jerlengen aınalma platforma ortalyǵyna alyp baratyn uzyndyǵy segiz metrden asatyn tonneldi tapty. Tonneldiń kire berisi úsh tonnalyq plıtamen jabylǵan. 2013 jyly ǵalymdar ony kótergen kezde bos keńistikke tap bolǵan. Plıtadan qabirge kiretin joldy qazý úshin eki jyl ýaqyt ketti. Qalǵan joldardy uńǵylaý kelesi jyly bastalady. Alaıda, sońǵy kósemderdiń qabiri shynymen sol jerde ekeni ázirge jumbaq kúıinde qalyp otyr. Halyqaralyq ǵalymdar qoǵamdastyǵynyń baǵalaýynsha, Mehıko mańyndaǵy Templo Maıor úıindilerinen tabylǵan bul jańalyq atstekter órkenıetiniń joıylyp ketýiniń sebebin ashýy múmkin.
