Meksıkada 49 adamnyń óli deneleri tabyldy
ASTANA. 14 mamyr. QazAqparat - Meksıkada zorlyq-zombylyq belgileri bar 49 adamnyń múrdesi salynǵan plastıkalyq qaptar tabyldy, dep jazady Ýtro.rý.
43 er adam men alty áıeldiń máıitteri eldiń soltústik-shyǵysyndaǵy Monterreı qalasyna jaqyn ornalasqan tas joldyń boıyna laqtyrylyp ketken. Qala AQSh shekarasynan 180 shaqyrym jerde ornalasqan. Polıtsııanyń paıymynsha, adamdar ózara básekeles iri esirtki óndirýshilerdiń arasynda bolǵan qaqtyǵystar barysynda óltirilgen.
Birneshe kún búryn Meksıkanyń kólemi boıynsha ekinshi qalasy Gvadalaharanyń qasynda 18 adamnyń usqyny buzylǵan máıitteri tabylǵan bolatyn.
El prezıdenti Felıpe Kalderon esirtki óndirýshiler bandylaryna qarsy kúreske áskerdi qatystyrǵan 2006 jyldan beri 47 myńnan adam qaza tapty. Esirtki satýshylar ózderiniń qurbandarynyń máıitterin qoǵamdyq jerlerde básekelesterin qorqytý maqsatynda jıi qaldyryp otyrady.
