Meksıkada 43 stýdenttiń joǵalǵanyna bir jyl tolýyna baılanysty marsh ótti
ASTANA. QazAqparat - Mehıko qalasynda 43 stýdenttiń joǵalǵanyna bir jyl tolýyna baılanysty marsh ótti. Ony taǵdyry áli kúnge deıin belgisiz bolyp otyrǵan jastardyń ata-analary ótkizdi.
Qoldaryna balalarynyń fotosýretterin ustaǵan olar myńdaǵan adam sapqa turǵan kóshelermen ótti.
Ata-analar úkimet istiń tergelýin halyqaralyq baqylaýdaǵy arnaıy bólimshege tapsyrǵanyn qalap otyr.
Joǵalǵan stýdentterdiń týystary tergeýdiń resmı nusqasyn moıyndamaýda. Olardyń pikirinshe, el bıligi jastardyń óltirilýine joǵary azamattyq jáne áskerı sheneýnikterdiń qatysy bar ekenin jasyrǵysy keledi.
Tergeý qyzmetiniń resmı nusqasyna sáıkes, Igýala qalasyndaǵy narazylyq sharasyna qatysqan stýdentterdi sybaılasqan polıtseıler qorshap, keıin olardy jergilikti esirtki barondaryna tapsyrǵan. Olar bolsa stýdentterdi óltirip, denelerin órtep jibergen.
Alaıda qyrkúıek aıynda ótken jyly eldiń batysyndaǵy Gerrero shtatynda stýdentterdiń joǵalýyn egjeı-tegjeılerin tergep otyrǵan táýelsiz komıssııa bul nusqany joqqa shyǵardy.
Vashıngtondaǵy Adam quqyqtary jónindegi Amerıkaaralyq komıssııanyń táýelsiz tergeýshileri jas azamattardyń deneleri órtelgenin rastaıtyn aıǵaq tappaǵandaryn málimdedi.
