Meksıkada 3 naýryzdan beri tumaýdan 80-nen astam adam kóz jumdy
ASTANA. QazAqparat - Meksıkada 3 naýryzdan beri tumaýdan kóz jumǵandardyń sany 84 adamǵa jetti, dep habarlady latynamerıkandyq eldiń densaýlyq saqtaý mınıstrligi.
Sóıtip, elde 2015 jylǵy qazannan beri tumaý saldarynan qaıtys bolǵandar sany 182 adamǵa deıin ósti. Sonyń ishinde 140 adam A(H1N1) dońyz tumaýynan ajal qushqan.
Tumaýdyń ár túrine shaldyqqan adamdardyń jalpy sany 5,9 myńdy qurady, al bir apta ishinde - 1,8 myńǵa jýyqtady. Tumaý ásirese Mehıko, Halısko, Tlaskala jáne Pýebla shtattaryn, sondaı-aq el astanasyn býyp tur.
Budan buryn bılik tumaý saldarynan mektepterdi jabýdyń qajettigi joq dep málimdegen bolatyn. Degenmen kóptegen jeke balabaqshalar men mektepter indettiń taralýy saldarynan sabaqtardy ýaqytsha toqtatýǵa sheshim qabyldady, dep habarlady RIA Novostı.
