Meksıkada 20 jastaǵy stýdent qyz polıtsııa shefi atandy
ASTANA. Qazannyń 21-i. QazAqparat - Krımınologııa fakýltetiniń stýdenti, 20 jastaǵy Marısol Valles Garsıa Meksıkadaǵy eń qandy provıntsııa degen jaman aty bar Chıýaýa provıntsııasyndaǵy Praksedıs-Gerrego qalasynyń polıtsııa basshysy bolýǵa kelisip otyr, dep habarlaıdy CNN agenttigi.
Garsıa hanym eń qaýipti qyzmet sanalatyn sherıftiń mindetin atqarýǵa kelisken jalǵyz adam bolyp otyr. «Iıa, men qorqamyn. Ol barlyq adamǵa tán qasıet. Biraq biz ózimiz turatyn óńirde tynyshtyqqa jáne qaýipsizdikke qol jetkizgimiz keledi», - deıdi boıjetken.
Valles hanym basqaratyn polıtsııa basqarmasynda 13 adam jumys isteıdi, onyń toǵyzy - áıel.
Meksıkanyń soltústigindegi bul jaısyz aımaqta narkokartelderdiń arasynda jıi qaqtyǵystar bolyp turady, 2006 jyly osyndaı oqıǵalar 29 adamnyń ómirin qıǵan, dep jazady «Gazeta.Ru» basylymy.
