Meksıkada 15 adamnyń ómirin qıǵan úsheý 520 jyldan sottaldy
ASTANA. QazAqparat - Mehıko-sıtı sýdıasy osydan eki jyl buryn 13 jigit pen qyzdy urlap, óltirgenderi úshin úsh qanisherdiń árqaısysyn 520 jyldan túrmege otyrǵyzýǵa úkim etti.
16 - 34 jas aralyǵynda jeti jigit pen bes qyzdy belgisiz bireýler el astanasyndaǵy Heaven shaǵyn meıramhanasynan urlap áketken.
Olardyń otbasylary jappaı narazylyq sherýin uıymdastyrǵan soń máıitter úsh aıdan keıin qala shetindegi zırattan tabyldy.
Prokýrorlardyń aıtýlaryna qaraǵanda, olar áli kúnge deıin ondaǵan kúdiktilerdi tekserýde.
Sondaı-aq úsh qylmysker 300 myń dollar kóleminde aıyppul tóleýleri tıis.
Barlyq qurbandar kedeı aýdan -Tepıtodan shyqqandar. Bul qylmys astanalyq qoǵamdy qatty dúrliktirdi, dep habarlaıdy Bı-bı-sı.
