Meksıkada 14 polıtseıdi óltirip ketti
NUR-SULTAN. QazAqparat – Meksıkanyń batysyndaǵy Mıchoakan shtatynda qaskóıler polıtsııaǵa shabýyl jasap, kem degende 14-in óltirgen. Bul týraly Meksıkanyń qoǵamdyq qaýipsizdik mınıstrligi Twitter paraqshasynda málimdedi, dep habarlaıdy QazAqparat.
«Mılenıo» gazetiniń jazýynsha, qarýly qylmyskerler sottyń orderimen Agılılıa mýnıtsıpalıtetine kelgen tártip saqshylaryn torýyldaǵan.
Habarlarǵa qaraǵanda, taǵy úsh polıtseı jaralanyp, hal ústinde jatyr. Budan tys, alty polıtseı habar-osharsyz ketti dep jarııalandy.
Shabýyldaǵandar jol talǵamaıtyn brondy avtokólikte bolǵan.
Mıchoakan gýbernatory Sılvano Aýreoles Koneho «bul qyrǵyndy jasaǵandar jazasyz qalmaıdy» dep ýáde berdi.
