Meksıkada 11áıeldi óltirgen bes qanisherge 700 jylǵa túrmege qamaý úkimi shyǵaryldy
ASTANA. QazAqparat - Meksıkanyń Chıýaýa shtatynyń soty 11 áıeldi óltirgen bes er adamǵa 697 jylǵa bas bostandyǵynan aıyrý jazasyn shyǵardy.
Bul týraly Reuters habarlaıdy.
Túrme merziminen basqa, sottalǵandar múrdeleri 2012 jyly tabylǵan qurban bolǵandardyń týǵan-týysqandaryna 9 mıllıon peso (752 myńnan astam dollar) aqsha tóleýge mindetti.
Al Jazeera America-nyń aqparatynsha, áıelder 2009 jáne 2010 jyldary iz-tússiz joǵalyp ketken. Prokýrorlardyń aıtýynsha, olardyń barlyǵy dúkenge jumys isteýge jaldanǵan. Alaıda keıinnen Sıýdad-Hýares qalasyndaǵy qonaqúıge jetkizilip, onda jezókshelikpen aınalysýǵa májbúrlegen. 2012 jyly qalanyń shyǵys bóliginen olardyń máıitteri tabyldy.
