Meksıka túrmesindegi tóbeles: 10 adam qaza tapty, arasynda bala bar
ASTANA. KAZINFORM — Meksıkanyń soltústik-batysyndaǵy Sınaloa shtatyndaǵy «El-Kastılo» túrmesinde bolǵan tóbeles saldarynan toǵyz tutqyn men olarǵa kelgen bir bala kóz jumdy. Taǵy 16 sottalýshy jaraqat aldy. Bul týraly Sınhýa agenttigi jazdy.
Shtattyń Qoǵamdyq qaýipsizdik mınıstrliginiń málimetinshe, jaralanǵandarǵa medıtsınalyq kómek kórsetilgen. Túrmede tártipti qalpyna keltirý úshin birneshe vedomstvonyń qyzmetkerleri jumyldyryldy. Qazir jaǵdaı baqylaýǵa alynǵan.
Oqıǵaǵa qatysty tergeý bastalyp, kináliler anyqtalmaq. Qaýipsizdik maqsatynda túrmege kelýshilerdi qabyldaý ýaqytsha toqtatyldy. Bılik qalǵan tutqyndardyń zardap shekpegenin habarlady.
Aıta keteıik, buǵan deıin Madýroǵa túrmedegi amerıkalyqtardy azaptady degen jańa aıyp taǵylǵan edi.
