Meksıka túrmesindegi búlik: 49 adam ajal qushty
ASTANA. QazAqparat - Meksıkanyń soltústigindegi Nýevo-Leon shtatyndaǵy "Topo-Chıko" túrmesindegi búlik saldarynan 49 adam qaza tapty.
Qazir 40 adamnyń kim ekeni anyqtaldy. Budan buryn Haıme shtatynyń gýbernatory Rodrıges Kalderon 52 adam qaza tapqany jaıly aıtqan. 12 adam jaraqattandy, keıbireýleriniń jaǵdaıy aýyr.
Sońǵy jyldarda Meksıka túrmelerindegi eń qatigezi bolǵan bul búlik bir-birine qarsy toptar arasyndaǵy janjaldardan týyndaǵan. Olardyń birin "Golfo" narkokarteliniń múshesi, ekinshisin "Los-Setas" narkokartel ókilderi basqarady. Ózara qaqtyǵys 40 mınýtqa sozyldy, shamamen 1,5 saǵattan keıin bılik jaǵdaıdy qolǵa aldy, dep habarlaıdy TASS.
