Meksıka turǵyndaryna úsh metrden asatyn tsýnamı bolatyndyǵy eskertildi
ASTANA. QazAqparat - Bıiktigi úsh metrden asatyn tsýnamı Meksıka jaqqa bet alýy múmkin. Bul jaıly juma kúni Tynyq muhıtynyń tsýnamıdi eskertý ortalyǵy habarlady, dep jazady TASS.
Sonymen qatar, Gvatemala, Salvador, Ekvador jáne Jańa Zelandııa jaǵalaýlarynda bıiktigi 0,3-ten bir metrge deıin tolqyn bolýy múmkin ekendigi habarlandy. Avstralııa, Chılı, Qytaı, Japonııa, Kosta-Rıkı jáne Gondýras jaǵalaýlarynda 0,3 metrden tómen tolqyndar bolýy múmkin.
Eýropalyq jerorta teńizi seısmologııalyq ortalyǵynyń buǵan deıin habarlaǵanyndaı, juma kúnge qaraǵan túni Meksıka jaǵalaýynda magnıtýdasy 8,1-ge deıin jetken qýatty jer silkinisi bolǵan. Zil zalanyń oshaǵy 482 myń turǵyny bar Týstla-Gýterres qalasynyń ońtústiginen 202 km qashyqtyqta ornalasqan.
