Meksıka shyǵanaǵyndaǵy munaı platformasy otqa orandy
ASTANA. QazAqparat - Meksıka shyǵanaǵyndaǵy Pemex kompanııasynyń munaı platformasy otqa orandy, dep habarlaıdy 24.kz.
Munaı-gaz kompanııasynyń málimetine qaraǵanda, 15 adam jaraqat alyp, 300-ge jýyq munaıshylar qaýipsiz jerge kóshirildi. Belgili bolǵandaı, órt keshki ýaqytta tutanǵan.
Oqıǵa ornynda 8 órt sóndirý kemeleri jumys jasaýda. Zardap shekken azamattar Sıýdad-del-Karmen qalasyndaǵy aýrýhanaǵa jetkizildi. Kompanııa basshylyǵy órttiń neden týyndaǵanyn ázirge naqtylamaı otyr.
