Meksıka shyǵanaǵyndaǵy ekologııalyq apatpen kúres aıaqtalýǵa jaqyn - Obama
ASTANA. Tamyzdyń 5-i. QazAqparat - Meksıka shyǵanaǵyndaǵy munaıdyń tógilýine baılanysty uzaqqa sozylǵan kúres aıaqtalýǵa taıaý.
AQSh prezıdenti Barak Obama sársenbi kúni kásipodaq birlestikteriniń jetekshilerimen bolǵan kezdesýde osyny aıtty, dep habarlaıdy ITAR-TASS agenttigi.
Ákimshilik basshysy apatty uńǵyny bekitý jónindegi operatsııanyń birinshi kezeńiniń sátti aıaqtalǵany týraly VR kompanııasynyń habaryn optımızmmen qabyldady. Bul sharanyń maqsaty - uńǵyny tsementpen jáne tyǵyn sııaqty buńǵylaý qospasymen toltyryp, munaıdyń tógilýin toqtatý bolatyn.
«Ǵalymdardyń derekteri boıynsha, syrtqa tógilgen munaıdyń negizgi bóligi hımıkattardyń kómegimen beıtaraptandyrylǵan nemese sýdan soryp alynǵan. ıAǵnı, munaıdyń tógilýimen uzaqqa sozylǵan kúres aıaqtalyp keledi. Biz osyǵan qýanyshtymyz», dedi Obama óz sózinde.
